Me har hatt ferie! Den tredje ny-års feiringa i 2007 er no over... Thai-nyttår, eller Songkran, er den store folkefesten i Thailand, og vert feira 3 heile dagar til endes, 13. - 15-april.I desse dagane er Bangkok så godt som folketom, "alle" reiser til heimbygda si eller på tur til stranda. Varmeperioden har starta for alvor, og gradestokken kryp oppover mot 40 grader. Det er varmt, både i sola og skuggen no!
Me har i nokre veker no hatt Bestemor og Bestefar frå Forsand på vitjing. Besteforeldre er ein fin ting, og både store og små har hatt gode dagar. Det er tredje Thailands-turen deira, så dei er no for veteranar å rekna. Det er ingen grunn til å tru at dette vert siste turen, for no har dei eit splitter nytt hus (med svømmebasseng i hagen!) i Hua Hin.
Vår vesle familie har gjort eit innskòt i investeringa, og kan såleis òg smykka oss med tittelen huseigar i Thailand! Huset er akkurat passe stort, og med akkurat passe hage utanfor. Ein oase for oss byfolk, når eksos, varme og lyd vert for intens i Bangkok. Fam Hallen og Anne + Be har allereie vore innom på hus-sjekk. Ungane sørga for at bassenget vart grundig innvia.Me har storkost oss desse dagane, og gler oss allereie til mange
late helger i Hua Hin framover. I romjula kjem Bestemor og Bestefar att, og då vert det ny nyårsfeiring i vårt nye hus!
2 kommentarer:
Hei Anne Britt og Arne! Gratulerer med det nye huset, og eg håper og trur at de får mykje glede av det. Ser og høres ut til at dette er bra. Hadde vore kjekt å sjå korleis det har fått det. Kanskje kommer vi en tur til Thailand igjen en gang?Tenkjer ofte på dere og følger med på bloggen for å holde meg oppdatert. Kos dere i varmen for her er det ikke mye varme ennå. Hadde en fin helg med bra temperatur, men i morgen er det meldt regn og sludd igjen.
Ha det godt.
Gratulere med nytt hus! Det høres skikkelig herlig ut:)
Legg inn en kommentar