Kjære alle!
Det er mange som i desse dagar ringer, sms'er eller bruker facebook til å spørje korleis me har det. Bileta frå Bangkok ser ikkje bra ut, og mange sterke ord vert bruka. Her me bur er det stille og roleg. Det er meir politi ute i gatene, men me høyrer ingenting av kampane inne i sentrum. Ungane spør og er nok litt redde, det er mange rykter som går - og små gryter har som kjent ofte store øyrer. Me prøver å forklare at det er ingen "snille eller slemme", men at folk ikkje er einige om viktige ting. For oss utlendingar er det umogleg å skjøne alt i det som skjer, ting er uhyre komplisert.
Men, me les, diskuterer, høyrer, og tenker vårt. Mange tårer og bøner for Thailand no i denne tida.
Kyrkja vår er delt, me har både "røde og gule" sympatisører. Det er tunge dagar for alle, mange har slektningar og vener i rødskjorte-leiren som dei ikkje lenge får kontakt med, medan andre er i militære eller har ektefeller i politiet. Dei ringer og ber om forbøn frå kvar si side.
"Dette er ikkje vår konflikt", høyrde eg ein utlending som sa, og det har han heilt rett i. Samstundes er det litt vår konflikt likevel. Fordi det er menneske me er glade i som er berørt av det som skjer, det er ikkje berre krigsbilete og statistikk lenger.
I vår familie har me bestemt at me ikkje ynskjer å delta i feiringa av 17.mai i morgon. Det kjennes ikkje rett. Vertslandet vårt blør, dette er ikkje ei tid for feiring.
2 kommentarer:
takk for fin orientering - eg tenkjer mykje på dykk - er glad de har det etter tilhøva bra, men det er vondt når venner har det vanskeleg. Mange ber for dykk og for Thailand!
Kjære Anne Brit og Arne og de tre søte små. Takk for sist. Det var kjekt å besøke dere i Bangkok.
Våre tanker er hos dere i Bangkok og i Mukdahan. Det er vanskelig for oss å sette oss inn i flere av de sidene denne konflikten har. Men at det er en vanskelig og utrygg tid for dere er ikke vanskelig å skjønne. Og for thialandske innbyggere er det nok en tragisk og vond tid på alle sider. Vi ber for dere og for landet. Håper dere finner styrke i at vi er mange som har dere i tankene. Skal hilse så mye fra Torbjørn. Hilsen Rønnaug
Legg inn en kommentar