Dette var motto for årets misjonær -møte.Arne har vore i planleggjingskomitèen, og det er ikkje lite som skal ordnast både før og under MM, når 45 stk skal organiserast og ha det bra. Det har vore ei kjempeveke!
Me starta tysdag med fagforeningsmøte (MAF), der me m.a. diskuterte forslag til innspel på "NMS og framtida"-debatten. Stort engasjement og mange som både tenkte og følte mykje!
Så var det to dagar med Meyer briggs-seminar, der me fekk hjelp til å sjå våre sterke og svake
sider. Me to vaksne i denne familien fann ut at me slett ikkje var så ulike, den store skilnaden låg i E og I (ekstrovert og introvert), dei fleste kan vel kanskje gjetta kven av oss som er kva? Utruleg interessant, og noko som kan anbefalast på det varmaste til alle kollegafellesskap.Fredag reiste me alle til Kanchanaburi og 3 dagar saman i flott natur og gode kollegar. Høgdepunktet var kanskje teambuilding
med nifse utfordringar over elver og inni skogen.
Signe og Jenny hadde eige opplegg med aktivitetar og bibeltimar, og fekk godt tid saman med sine vener frå nord-aust.
MM-kvelden var det leirbål og Idol-konkurranse. Signe redda familieæra vår og framførte "Mikkel Rev" i duett med Kari (Johannessen).Handbok for Thailand slår fast at: "Formålet med misjonærmøtet er å styrkje misjonærfellesskapet".
Mission accomplished!
Ingen kommentarer:
Legg inn en kommentar