Livet er herleg!

Misjonaermoete er over (rapportblogg kjem til veka!), og me har gode dagar paa stranda... Her er nokre glimt fraa det gode liv:



Litt synd at i dag er det tid for heimreise...

Generalforsamling ELCT

Onsdag til fredag sist veke, 3 dagar til endes, var det generalforsamling i den Evangeliske Lutherske Kyrkja i Thailand. Eg var med som observatør sidan eg er vald "treasurer" for den Lutherske Misjonen. Ingen misjonærar har lenger stemmerett ved generalforsamlinga, så alle representantane for dei ulike misjonsorganisasjonane sat, som de ser på bilete, fint på bakerste rad. Dei store sakene var i år knytt til økonomi, 5-års plan og val av ny kasserar og ny generalsekretær. Tidlegare gen.sekr Adjan Thaweep vart ny kasserar og tidl kasserar Adjan Kaew vart ny generalsekretær...

Ungdomsgruppa i kyrkja er ein flott gjeng! Her ser de leiaren presentere årsrapporten frå i fjor. Eit levande, veksande og sprudlande kristent ungdomsmiljø i kyrkja er absolutt eit bøneemne.

Eg ser fram til spanande samarbeid med kyrkja framover i vidare utvikling av organisasjonen, nye leiarar og økonomiplanlegging.

Åsmund sin store dag

Dette er lille Åsmund. Han er fadderbarnet mitt og vart døypt sist søndag, ganske nøyaktig 1 månad og 10 dagar gammal. Er han ikkje utruleg søt?

Gler oss stort til å treffa Åsmund, storebror Sverre, mamma Annette og pappa Lars Petter til hausten her i Thailand. Det vert stas for både liten og stor.

Enno ei stund må eg vera "fjern" fadder, men heldigvis har bøna ingen grenser!

Kristin og Elin, (tante) Torhild og (onkel) Trond

Me har ostringar på besøk! Kristin, Elin, tante og onkel er på sin andre Thailand-tur sidan me kom hit. Er me ikkje heldige, vel? Etter ein kort stopp hjå oss reiste dei vidare sørover denne veka, og nyt no sol og varme på strendene i Krabi.

Etter misjonærmøte skal me treffast att i Rayong. Så vert det songkran (thai-nyttår) og påskefeiring saman. Me gler oss!

....and the winner is...

Nr 1001 på bloggen var Ane Marie, vår venn frå Hald-teamet 2003/2004.

Hei Ane Marie! Me reknar med å sjå deg her i Bangkok ganske snart, kanskje ta ein tur på Swensens?

Iallefall, 1001 baht går til Lovsangshjemmet i slummen.

(Kanskje me skal prøva dette ein gong til med nr 2002???)

Nr 1000 eller 1001????

Me nærmar oss 1000 treff på bloggen vår... Det er me litt stolte av etter berre 4 månadar.

For å oppmuntre til fortsatt interesse for våre liv og leven her i fantastiske Thailand, utlovar me her følgjande premie til nr 1001 (å verta nr 1000 er jo premie nok i seg sjølv, ikkje sant?:

Me donerer 1001 baht til eit valfritt NMS-støtta prosjekt i Thailand.

Dette vert spanande!!!!!!!! Følg med, følg med....

Signe ballerina

Signe fekk rosa ballettdrakt til bursdagen av tante og onkel. Bestemor prøvde å ta bilete, sånn gjekk det:

Gyldne, men travle, tider...

Dei siste 3 vekene har kome og gått, i ein rasande fart. Me har jobba, vore sjuke, jobba, vore sjuke att, hatt gode vener frå Bergen innom, fått besøk av bestemor og bestefar+ Gunda og Gunnar, kaffi-besøk av Åsane menighet, hatt gode dagar i Hua Hin, feira 2 bursdagar og fått ei rødbrun øgle som nytt husdyr i hagen.

Her er litt av alt, i bilete:
Anne, AnnKrisitin og Sissel på lynkjapp visitt før vidare til Vietnam. Me rakk ei intens arbeidsøkt om strukturar og org.utvikling.


Så kom endeleg bestemor og bestefar!

Gode dagar i Hua Hin

Med Jenny på magen syntes t.o.m bestefar at shopping var kjekt!

Bestemor feira bursdagen sin på Swensens.

Me fekk treffa denne flotte, misjonsengasjerte gjengen frå Åsane menighet. Lukke til vidare!!

Så fine vert damene med skreddasydde kjolar. 1000 takk pappa!

Endeleg var det Signe sin bursdag! Ho hadde venta lenge...
Feiring både heime og på skulen!

Så reiste dei heim, alle 4, til snø og minsusgrader. Takk for fine dagar saman!

Ventar du på bilete av hus-øgla vår? Dessverre, den er ganske så mediesky... Men, du er velkomen til å ta ein titt sjølv i hagen vår!

PATTAYA

Pattaya er ein liten by på austkysten av Thailand med eit ganske så frynsete rykte. Grunna det heller lugubre nattelivet har ikkje byen frista som feriemål for oss. Men, då Den norske Sjømannskyrkja opna ny kyrkje i oktober, og kollegar fortalte om andre, positive sider ved Pattaya, tenkte me: "kanskje me no skulle ta oss ein tur og sjå....?". Som sagt, så gjort. Her er beviset: Me har vore på Den norske Sjømannskyrkja i Pattaya!



Feiring av Arne sin 35 års dag på hotell Cabbages&Condoms i Pattaya høyrtes bra ut. Ein blanding av Bangkok-folk, Pattaya-buarar (+tilreisande frå Noreg)
saman med godt thaimat gjorde det heile til ein flott kveld. Arne fekk stadfesta at han no er på full fart mot dei 40...




Resten av vår 2-dagars mini-ferie var konsentrert rundt bassenget. Signe koste seg med Talette og Caja, og me vaksne hadde det ikkje så verst me heller. Jenny skulle nok gjerne tatt seg eit bad, men hadde det heilt OK under parasollen med mamma og legoklossane. Så, kjekt i Pattaya, men neste tur går til Hua Hin!

KJÆRE ARNE!

35 år i dag!!!!










Dei 3 jentene dine gratulerer!

Up&Go...

Det var i går kveld. Eg skjøna jo at det snart var legging. Hadde fått hofteputa av, og sat i senga mi og skulle liksom leike litt sjølv. Mamma surra rundt med pysj'en min i eine handa og leita etter tannkosten min. Då tenkte eg at eg skulle hjelpe til å sjå litt rundt. Eg tok tak i sengekanten og reiste meg opp.... Då vart det liv! Mamma hylte på pappa som kom springande med fotoapparatet. Eg berre gliste... Litt interessant å sjå verda frå høgt oppe. No vert det full fart framover!

Ha spanande dagar du òg!

Helsing,
Jenny 8 mnd og 4 dagar

Fiskeglede!

For eit par veker sidan fekk me oss fisk i hagen. 2 store keramikk-kar med vassliljer + gule, oransje, kvite, raude og svarte fisk. Ein del overlevde ikkje flyttinga frå butikken, så litt påfyll måtte til... Men, kva gjer vel det, for no i helga fann me fiske-babyar blant blomar og blad!! Masse bittesmå fiskar. Kjempestas!

No lurer me på om dei må ha fiske-baby-grøt? Nokon med erfaring frå fiskeoppdrett? Råd mottas!

Lukkeleg helsing 4 fiske-fans

5.februar 2006:

Kjærestar i 13 år, og framleis unge og søte...

Året som gjekk...

Det er slutten av januar, og tid for årsrapport. Det er no tid for evaluering, ettertanke, sjølvransaking etc etc… Siste frist for innlevering var i går. Her sit eg og skal rapportere om fjorårets bragder… Febersjuke Arne og Jenny er vel i seng, det same er ei trøytt Signe (heldigvis feberfri no), eg er eigentleg klar for kveld sjølv, men no kan dette ikkje utsetjast lenger.

Kl 19.50: Personalia har gått greit, målsettingane for 2005 likeså, dei finn eg jo på rapporten frå 2004. Men så; ”beskriv arbeidsoppgaver”… Det vart ikkje mange linjene. Hmm, eg som tykkjer eg har fått gjort litt dette året. Det vert liksom ingenting når det kjem ned på papiret som punktstreker.

Vidare: ”I hvor stor grad mener du målsetningene er nådd?” Dette er vanskeleg! Går det an å måla det? Eg tek meg i å ete vannmelon som om det gjaldt livet… Dette kjem til å ta tid…

Kl. 20.45: Er no kome til pkt 5: ”Målsetninger for neste arbeidsår.” Ja, det er spanande! Kva mål frå programplanen vert sentrale for mitt arbeid? No vert dette kjekt! Programplanen for Organisasjon og Ledelse er interessant lesning. Eg plukkar ut eit par punkt, dette er jo midt i blinken! Entusiasmen brer seg… Godt er det, for no er det berre vannmelon-steinar att på fatet…

Kl 21.08: Jenny vaknar. Ho er varm, feber stig til natta, og no vil ho ha kos… 5 min så listar eg meg ned att.

Kl. 21.39: FERDIG! Rapporten er maila til sjefen, og det er tid for sjokolade. Eg kan no med friskt mot sjå framover mot eit heilt nytt arbeidsår, med blanke ark og fargestiftar til… Og neste år skal rapporten leverast innan fristen. Lovar!

Bursdag i dag....

Kjære Irene!
Gratulerer med dagen!

Thailand-misjonærane

Her i Thailand samlast NMS-misjonærane kvar 14.dag til sosial hyggje, jobb-info og bibel- og bønefellesskap. Sist onsdag var det ekstra stas sidan misjonærane i Nord-aust, "Phibun-folket", var i Bangkok. Me var samla 13 stk (mangla berre Marit/Satad og Tore/Mildred) i stova til fam Vidnes. Me fekk, som vanleg, nyta godt av at Cathrine er god til å laga mat, og til kaffi'en var det norsk sjokolade... Dette var fyrste samlinga etter jul, så det var mykje å dela med kvarandre og mange bøneemne å ta med seg vidare. Det er godt å vera ein del av misjonærfellesskapet i Thailand!

Åndehus

Thai-buddhismen er ein blanding av ulike buddhistiske retningar og åndetru. Trua på at åndene står sterkt i thai-kulturen, og gjev seg utslag i mange, for oss, eksotiske og uforståelege ritualer. Eit av dei mest framtredande symbol på åndenes plass i dagleglivet er åndehusa. Nesten alle hus/bygningar, særleg i Bangkok, har eit åndehus. Ein kan sjå dei utanfor kjøpesenter, hotell, bankar osb. Åndehuset er, som namnet seier, eit hus for åndene på staden. Utan eit slikt lite hus i nærleiken kan ein risikera at åndene flyttar inn i eins eige hus, noko som kan forårsaka all mogleg uro og problem. Ein byggjer då altså eit lite, men fint, hus i nærleiken som skal frista meir enn hovudhuset. For å sikra at åndene held seg her, og er blide og fornøgde, er thaiane dagleg borte med mat, drikke, blomar, lys etc.

Her i Santikham har me òg eit åndehus. Vårt står plassert rett utanfor hagen vår. Men, med fleire utlendingar på området samt kristne thaiar, er det dårleg med stell for åndene her. Blomane er stort sett visne, og mat er det sjeldan å sjå servert... Men, alle oss andre har det svært så bra i Santikham! Og det trur eg er utan nokon som helst hjelp frå åndene...

HEIA TUFTE!

Her i heimen har me meldt oss inn i heiagjengen til Tufte. Fekk DVD til jul. I helga gjekk siste episode, med kampen mot Vålerenga. Familien Vidnes var på plass i stova. Og snopeskålene var fylt opp. Til norsk film må ein ha norsk sjokolade! Me heia og heia, og hadde så gjerne ønska at dei hadde vunne, eller iallefall fått fleire mål... Men, me vart nesten nummen av glede saman med Martin over fyrste målet, og har latt oss sjarmere og imponere over fotballteknikken. Her prøver Signe på ei Martin-heading (med lånt hår)

I kveld er det 3. gongs reprise på episode 4. Det er tid for ny runde med nye naboar, denne gong Merete og Knut (Hallen). Me scorer for tida høgt på popularitetsskalaen når det gjeld TV-underhaldning...

Odd Olav og Laila reiste heim til Forsand i natt.
Takk til begge to for besøket og ei knallbra julegåve! Heia Tufte!!!

Vesle Jenny

Her kan de sjå ei blid lita jente med ny hofteputa!
Me har omsider funne ein thai-lege som er god på hofteleddsdysplasi, og han har fått laga denne oransje bie-puta. Med god mailkontakt til legane på Haukeland i tillegg kjenner me oss trygge på at ho får rett behandling. Om ca 3 månadar (når onkel Tond, tante Torhild, Kristin og Elin er her) skal ei betring vera synleg og det er von om at Jenny kan slå seg laus på golvet med kryping og rulling. Me gler oss! Men, altså, Jenny er stort sett blid og fornøgd, og då må me foreldre vera det same... Takk til alle for støtte dei siste månadane, det har varma godt!

Gåva frå Noy

Dei av dykk som har vitja oss her i Bangkok kjenner Noy. Ho er vår "husadministrator", praktikant og kokk. Noy har jobba hjå norske NMS-familiar i tilsaman snart 10 år, fyrst hjå familien Stangeland, så familien Sandland, og ho byrja hjå oss med dei beste skussmål. Det var litt uvant i starten med hushjelp som tusla rundt i huset. Men, no er me godt tilvende... Kjenner kor godt det er å sleppe tenke golvvask, oppvask og stryking av klede når ein kjem heim etter jobb. Viktigast for oss er likevel at Signe og Jenny har ein vaksenperson dei har det godt med, og at ho er ein som me trygt kan overlata borna våre til. Noy er ikkje kristen, men etter så mange år år hjå norske familiar veit ho kor viktig jula er for oss. Ho gler seg i lag med oss, og deler gjerne entusiasmen vår over julepynten, lysa og julematen. På bilete over ser de julegåva me fekk av henne denne jula. Ganske sterkt å få eit eit så tydeleg kristent symbol frå ein buddhist. Familien hennar vil gjerne ha henne heim att til Nord-aust Thailand, men eit liv på landsbygda fristar ikkje for Noy, så me vonar å ha henne her enno i nokre år...