Når ein må ha mamma med på jobb...

Gabriel og mamma`n er saman om det meste. Det gjeld òg på lange reiser, små møter eller store samlingar, du finn oss gjerne på bakerste benk - klare til innsats!

Sist helg var me på plass i aulaen på Misjonshøgskulen i Stavanger. Det var leiarsamling i NMS. Landstyret, regionsleiarar, repr frå regionsstyrene, representantar frå misjonsfeltene og diverse leiarar frå hovudadm var samla heile helga.

Me to helt bakerst i salen var passe døgnville, og som ei naturleg følge av det ganske trøtte og sure/grinete store deler av helga. Vår oppsummering av samlinga er difor på ingen måte representativ for det som var programmet...

2 høgdepunkt for oss må nemnast:

1) Me traff ei svært hyggjeleg dame som var med i foreininga Unges Misjon på Birkeland. Dei har oss på bønelista, og dei er på vår info-brev liste. Utruleg kjekt å få eit "ansikt" på våre forbedarar på Sørlandet, men samstundes kjende eg på det ekle, gnagande samvitet; Har me sendt noko infobrev i det heile dette året??? Så, til alle de der heime som venter på brev frå oss (inkl diverse kyrkjelydsblad): Me lovar no bot og betring og eit laaaangt førjulsbrev fra Bangkok til Noreg om ikkje lenge!

2) Gudsteneste på Bogafjell. Ei ganske stor gruppe NMSàrar reiste til Bogafjell søndag føremiddag. Ingen tvil om at prest Rune og hans medarbeidarar gjer ein kjempejobb der. Det krydde av born, mødre, fedre, ungdomar og dei meir vaksne. Faktisk vart det så fullt i gymsalen at det til slutt ikkje var sitjeplass for alle! Gabriel storkoste seg bakerst (!) i kroken saman med andre småtroll. Har Gabriel det bra, har òg mamma det bra. Fekk til og med høyre det meste av preika!

Veka etter var det samling på Strandleiren og møter på HA. Gode dagar. Mange fang å sitje på for ein som gjerne ville delta i diskusjonen...

Særleg på HA hadde mini-representanten frå Thailand det bra. Han sender nok ei ekstra helsing og kos til damene på info-senteret. Ein av dagane der var det Gabriel fekk ein ein klapp på skuldra og spørsmålet: "Må du ha med mamma på jobb i dag òg, du?".

Lovsangshjemmet på tur

Det er skolefri på thaiskolen, noe som betyr at det er tid for den årlige utflukten for oss på Lovsangshjemmet. Trofaste blogglesere husker kanskje at vi i fjor dro til Dreamworld? I år reiste vi litt lengre, nærmere bestemt til Phetchaburi (nesten til Hua Hin) der vi koste oss på stranden en hel dag.

Også i år, som i fjor, fikk vi hjelp fra Hald-teamet som tok fri fra språkskolen og ble med som voksenledere,

Det var en forventningsfull og spent gjeng som reiste fra Bangkok. Noen hadde vært på stranden tidligere, mens for andre var dette første møte med stranden og havet.

Mange satt hele turen i setene sine og bare så på alt de kjørte forbi: Rismarker, saltmarker, skog, åser og til slutt - havet. Mye nytt å se på for barna som er vokst opp under en motorvei i Bangkok.

De mer reisevante av barna hadde underholdning for resten av oss voksne... Det ble mye tøys og tull.

Vel fremme gikk det ikke lenge før de første var i vannet, sikret med både en og to baderinger! Dette var en opplevelse for mange, og det var noen triste fjes da de måtte gi seg og starte på hjemreisen. Men, gjett om de koste seg så lenge det varte!

Vi fikk også tid til å besøke et apefjell med halvtamme apekatter før vi retunerte til Bangkok.

Dette var en dag med liv og latter, og jeg tror det er mange som allerede har begynt å glede seg til neste års utflukt.

"Syng lovsang hele jorden, syng lovsang for vår Gud"

Det var salmer og lovsong i den Evangelisk Lutherske Kyrkja i Thailand i går kveld. 14 år etter at kyrkja vart grunnlagt kunne medlemmene feira at dei hadde fått si eiga salmebok. Ei salmebok med bidrag frå eigne musikarar og med nylaga salmer til dåp, bryllup, gravferd etc.

På nokre av salmene kunne me sjå thaidans i stolrekkene og det var smil og glede over å få lovsynge Gud på "sin eigen" melodi.

Vår gode kollega Solveig har vore medlem av salmebok-komiteen og har gjort ein kjempeinnsats, i går var absolutt ein kveld å feire!

Under leiing av biskopen bad me om at salmeboka må verte til velsigning og vekst for kyrkja og at Gud må velsigne kva og ein som framover skal bruke boka. Amen til det!

Pensum: Thailand

Det er haust heime i Noreg og oppstart på nye skular og studie er i gong. Det har me her i Bangkok òg fått merka: Ikkje mindre enn to studentgrupper frå Misjonshøgskulen er på studietur til Thailand i desse dagar.

8 teologistudentar på praktikum har vore eit særs hyggjeleg og interessant bekjentskap! God-orda har hagla frå alle som har møtt dei i kyrkja, og familiens jenter her vart sjarmert ganske i senk av nydeleg sang og barnetekke... Studentane har dessverre måtte tåle noko vaklande oversetjingshjelp frå ein stakkars samfunnsvitar som ikkje aner kva som ligg i "pastoral identitet" eller "kontekstuell gudsteneste" verken på norsk eller thai...

Onsdag var det usedvanleg fullt heime i Fantasia-huset vårt. I tillegg til misjonærar og eittåringar var det 12 jenter på interkulturell forståelse- studie (+ sjef Rune) samla. Dei deltek på gjesteforelesingar ved eit universitet her i byen, så me ser kanskje meir til dei framover. Dei fekk litt "sticky rice" og nudler av oss og me fekk sjokolade og kaviar i retur, ein perfekt byttehandel!

Så til sist; Årets Hald-team er på plass! Silje, Hanne, Cecilie og Else skal jobbe her i kyrkja fram til april, to stk i Mukdahan og to her på Lovsangshjemmet i Bangkok.

Trass i kraftig reduksjon av misjonærflokken i Bangkok er me langt frå aleine, altså!

Vaksne, ansvarsfulle foreldre...

Me har fått skulejente! Brått var Signe 5 år og skulle starte i Year 1. Ny skuleuniform, ny lærar og nytt pensum venta. Noko som kom minst like brått på oss foreldre var alle leksene... 1.klasse og lekser kvar dag???? I tillegg skal det øvast på både piano og blokkfløyte. Me kjenner oss vaksne og ansvaret tynger; No nytter det ikkje sluvre og påstå at me har gløymt å sjekke kontaktboka den siste veka, nei no er det alvor!

Signe hentar fram den eine boka etter den andre frå sekken. Lesing og skriving og leiking med ord. Og det engelske språket vert ikkje akkurat uttala slik det vert skrive...

Men, men, læraren skryt og Signe stråler. Me vil så gjerne at ho skal få ein god start på ein lang utdanningsstige. Om ikkje lenge er det langfri og så skal jenta vår få slappe av i Hua Hin.

Midt oppi det heile har Signe fått to lause tenner! Det høyrer vel kanskje med for ein fyrsteklassing?!

Det var ein gong ein sommarferie...

- og den (sommarferien) er dessverre over no...

Me har hatt gode dagar heime i Bangkok og late, solrike dagar i Hua Hin. I tillegg har me hatt frøken Norge på besøk (masse lukke til i Ukraina, Lene! Du vert neste Miss World!), kjøpt oss grill og Jenny har lært å svømme!

Fyrste helga i august kom Besto, onkel Trond, tante Torhild, Kristin og Elin på sin tredje Thailand-tur. Det var absolutt sommarens høgdepunkt! Saman kjørte me langt, og lengre enn langt, til Chiang Mai og Chiang Rai. Etter fem år her i landet var det på tide at me fekk oppleva nord-Thailand! Flott natur, fjell, svingar og regn - nesten som sommar i Noreg med andre ord! Bilete til høgre seier vel det meste, mykje flott som suser forbi i bilvinduet, treng vel ikkje stoppe, vel?

Før jobb-og skulestart reiste Gabriel og mamma`n til Stavanger for å læra meir om NMS. Mammapermisjonen vart brått avslutta i juni og no jobbes det for fullt, iallfall til utpå nyåret.

Alt var ikkje berre jobbing i Noreg, me fekk òg tid til å møta både tanter, onklar, søskenbarn og vener. I tillegg kom ein splitter ny fetter Jonas ut av magen til tante Laila akkurat i rett tid så me fekk helsa på.

Før flyet gjekk attende i Bangkok avslutta me i Oslo med dåpsfeiring for nydelege Mirjam (til Gunn Jorun og Gideon) og eit svært gledeleg gjensyn med familien Hallen. Godt å sjå at våre tidlegare naboar trives i ny norsk kvardag.

Ei betre framtid...

Onsdag reiste me ein liten tur til nord-aust Thailand, til Isaan. Dei fleste som bur i Isaan er risbønder, men med ein risavling pr år er det svært usikkert kor mykje rismarka gjev av inntekt for familien. Vert avlingen øydelagt grunna for lite regn, noko skjer ofte, er det sikre inntektsgrunnlaget øydelagt for det året. Då må far (og kanskje både søner og døtre) til Bangkok og prøva finna anna arbeid. For dei unge jentene er vegen til go-go barane i storbyen og prostitusjon dessverre altfor kort.

Å betala for vidare skulegong for borna etter 6.klasse er for mange foreldre berre ei ynskjedraum. NMS støtter Immanuelhjemmet, eit internat der det bur 45 born (35 jenter og 10 gutar) som får høve til å gjere ferdig 12 års skulegang.

Me fekk vitje heimane til nong B og nong A, to jenter som bur på internatet. Etter 1 1/2 time på veldig dårleg og smal grusveg (dette var dei som budde nærast fekk me vite...) kom me fram til fyrste landsbyen. Det var barneskulelærarane til nong B og nong A som hadde tipsa Immanuelhjemmet, dei var ein av dei flinkaste elevane og lærarane deira meinte dei burde få ein sjanse til meir skulegang.

Favorittfaget til begge jentene er matte. Nong B drøymer om å verte farmasøyt ein gong i framtida medan nong A vil verte lege. Kvifor? For å hjelpa andre, vel!!!

Vil du lesa meir om Immanuelhjemmet, eller støtte skulegong og ei betre framtid for flotte ungdommar klikk her.

God sommar!

Om 4 dagar er det ferie! Me gler oss!!!

Naboane våre på hjørnet

Me bur vegg-i-vegg på ei lang rekke her i Fantasia. Naboane skiftar stadig ettersom dei fleste er utlendingar som stadig er på flyttefot, både innad i Bangkok og til andre kantar av verda. Familien på hjørnet er derimot ganske stabil. Det er ein ekte thai-familie med bestemødre, tanter, nevøer og nieser "overalt", i tillegg til eit ukjent antal hushjelper. Faktisk så er me ikkje heilt sikre på kven det er som eigentleg høyrer til i huset...

I sist veke rigga dei til med ute-tak, stolar og catering-firma utanfor huset sitt (dvs mesten utanfor vår port òg). Då 3 munkar òg kom etterkvart, måtte me spørje kva dette var for noko. Dette er "boat" fekk me til svar. Alle thai-menn over 20 år bør vera ei tid i tempelet som munk. Kor lenge varierer frå nokre veker til fleire månadar. Enno er det eit krav frå mange foreldre at deira komande svogerson har vore munk iallefall for eit par veker før dei gifter bort dottera si.

Sonen i nabohuset vårt (som me ikkje heilt kan hugse å ha sett før) skulle altså no "vigslast" til munk. Det var ei kjempesvær greie, med masse folk, blomar og mat. På bilete ser de ein av munkane som klipper av dei fyrste hårstråa, eit symbol på at det gamle og ureine vert tatt vekk.

Etterkvart fekk han på seg ei kvit drakt og følget reiste til tempelet for å avlevere gutten. Men ikkje før dagen vart skikkeleg feira med mat, drikke og musikk.

Skal du på GF?

Generalforsamlinga til NMS er i år "heime" i Bergen. Der er dessverre ikkje me. I sommar skal me vera turistar i Thailand og garantert ha sol i ferien... Men altså, GF 2008, "Guds Draum" startar neste veke i Bergenshallen på Landås. Ingen tvil om at region Bjørgvin har gjort ein kjempejobb med programmet. (trykk her om du vil veta meir om det).

Ein liten bit Thailand vert det òg, sidan evangelisten Sim frå Mukdahan er invitert gjest og opptil fleire av våre misjonærarkollegar er påmelde.

Dersom du no i neste veke er i Bergenshallen, eller i området rundt, og kjem til å få auge på ein flott og fargerik banner med GF-logo, då skal du veta at den òg kjem frå "Smilets land". Vår gode ven, Viroj, har sørga for at over 30 bannerar i ulike fargar er å finna på GF. Me har prøvd å forklara etter beste evne kva som ligg i temaet "Guds draum", om logoen er fisk eller blom, eller begge deler, eller noko heilt anna...

Denne veka vart siste versjon endeleg ferdig, i heile 8 fantastiske fargar. Me er ganske stolte! Kva farge likar du best? Hjå jentene her i familien er den mørke rosa ein klar favoritt...

Midtsommar

Sist veke kom det inn ein e-post med invitasjon til midtsommarfest. Ja, akkurat, me vart invitert til St.Hans-fest i Bangkok! Det var våre finske misjonærkollegar, fam Markkanen, som ville halde på tradisjonen heimefrå og markere at sola snur.

Me hadde grilling og svidde pølser, akkurat som heime. Potetsalat og thousand island, akkurat som heime. Me fekk til og med rullekake med multesyltetøy! Grillmaten vart ete innandørs sidan det var altfor varmt ute, og det var kanskje ikkje akkurat som heime...

Her er små glimt av St Hans i Bangkok:

Merkeleg det der; Gutta samlast alltid rundt grillen...

Dei yngste jentene er fornøgde med pølse og mais. Som de ser; Jenny har pynta seg for feiring!

Kveldens vertinne ved kakebordet. Ekte finske multer og blåbær! Mmmm...

Dei fleste av oss åt sjølvsagt altfor mykje. Kanga måtte legge seg ned å "kvile magen". Kaffeservering er undervegs...

Ein grøn oase

I dag har me vore på tur! Til "fredens hage", ca ein times køyring heimefrå. Ein nydeleg grøn oase, med vatn, bekkar, bruer og mykje tre og blomar! Fantastisk! Eit katolsk reatreat-senter innimellom rismarkene. Skjønt, det vart ikkje mykje retreat i dag. Kyrkjelyden vår er ikkje av dei mest stillfarne, og lovsongen ljoma godt utover.

Dagen planlagt med masse aktivitetar frå byrjing til slutt, å reisa på tur er noko thaiar likar! Fiskestengene var med og vart raskt sett på plass med ein brødbit som lokkemat. Trur dei satsa på fisk til kvelds.

Me reiste heim utpå ettermiddagen, då var dei godt i gang med både gruppeleiker og bibeltime.

Våre 3 små hadde då fått meir enn nok av å vera på "kjedeleg møte med bare guttar å leike med".

I tillegg hadde Gabriel vandra frå fang til fang sidan tidleg morgon, og var klar for å få returnera til mamma og melkelukt.

Endeleg bursdag!

Vår vesle Tingeling hadde venta lenge, lenge på bursdagen sin. Kvelden før Dagen var det umogleg å sovne, og etter mykje nattevandring vart det endeleg morgon! Sjokoladekake med lys på senga (tradisjon me har kopiert frå Even og Ida) og pakkar gav ein skikkeleg sukker-kick-start på dagen!

Heile Nursery-klassen var invitert, i tillegg til andre små vener, på Gymboree-feiring. Jenny storkoste seg og fekk springa og herja så mykje ho berre orka. Perfekt!

Bursdagskaka var lilla, akkurat slik ho skulle vera, og smakte fortreffeleg!

No, mest ei veke seinare, synes Jenny det er på tide å starta planleggjinga av 4-årsdagen. Ho gler seg sjølvsagt masse, masse allereie!

Arne og damene

Barnehagar og aktivitetssenter for små barn er stort sett bemanna av damer. Lovsangshjemmet (Home of Praise) er intet unntak. Det mannlege innslaget er Arne. No tenkjer kanskje nokon av dykk "Stakkars, Arne", men det er det ingen grunn til! Etter som kona hans forstår har Arne det som plommen i egget, og trives veldig bra med damene på jobben.

No før sommarferien tek til har både studentar og Hald team reist heim. Snart reiser òg langtidsvoluntøren Hilde og "eittåring" Anne.

I går var dei to sistnevnte på besøk hjå oss i Fantasia, og det var ein særdeles hyggjeleg kveld!

Støtt Burma - kjøp ei t-skjorte!

I dag kom dei første forsendingane med naudhjelp fram til Burma i den NMS-støtta aksjonen. Du kan gi di gåve til konto 8220 02 85030, merk med 643 484. Eller kjøp ei gul aksjonsskjorte for 100 kr ved å ringa 51 51 61 00. På bilete til venstre ser de ei veldig gul Anne Brit på veg til kontoret i si nye t-skjorte. Vil du vere like "fashion" så løp og kjøp!

Så langt er det komme inn cirka 80 000 kroner i innsamlingsaksjonen til syklonofre i Burma. I tillegg har Det Norske Misjonsselskap gjort ei ekstraordinær løyving på 25 000 USD til aksjonen. Mottakarapparet er organisert av Lutheran Church of Myanmar. Dei første forsyningane kom fram til det aktuelle området i Burma denne veka. Midlane frå NMS vil gå til å forsyna 200 familiar med mat, klede og andre basisartiklar i løpet av ein to månaders periode.

Ein måned etter at syklonen Nargis ramma Burma, har berre halvparten av dei overlevande fått hjelp, ifølgje vl.no. Det betyr at 1 million menneske framleis ikkje har fått grunnleggjande hjelp.
Det har likevel skjedd ei tydeleg forbetring i hjelpearbeidet etter den internasjonale givarkonferansen i Rangoon for halvanna veke sidan. Forsyningar og hjelpearbeidarar kjem nå fram i stadig større grad. Kring 78 000 menneske drepne og 56 000 er sakna i syklonen.

Kilde: http://www.nms.no/