"Sjå kva Gud gjer" - Misjonærmøte 2008

Tittelen på bloggen refererer til tema for årets misjonærmøte. I alt var me samla over 50 stk, mange store og mange små, til seminardagar i bangkok og retreat ved sjøen i Rayong.

Prest Per Arne Dahl og kona Anne var med som ressurspersonar heile veka. Torsdagen starta Anne med bibelundervisning om "en trosvandres kart", fantastisk! Berre dei som ikkje har hatt ein"skikkeleg" bibeltime på fleire år (dvs der ein forstår alle ord og samanhangar) kan skjøne heilt kor fantastisk det har vore for oss med bibeltimar 3 dagar og norsk familiegudsteneste til avslutning søndag. Gabriel "hang" med så godt han kunne...

Elles var det masse tid til soving (Gabriel og mamma'n), is i strandkanten med gode kollegar, bananbåt (for gutta-boys + Kari) og bading i bassenget (Signe og Jenny).

Nybakte mødre sneik seg unna både volleyballturnering og diverse andre leikar, men Arne og jentene heiv seg utpå i det meste. På bilete til venstre ser de kollega Tore og Jenny m.fl som skal forme ein firkant, ikkje alle er like nøye på regelen om bind for augene...

Signe og Jenny var med i "kyrkjekoret" på gudstenesta søndag. Stolte foreldre såg sine små synge "jungelens konge" for full hals. Jenny hadde gledd seg stort til framføringa og hadde hatt generalprøve på badet med mamma på morgonen. Tusen takk til årets Hald-team ++ for bra barneopplegg!

I "gledesrusen" er det lett å gløyme kvardagen, det har dessverre me gjort... Heime på Jæren og Stavanger har me 3 stk som har hatt bursdag under MM-dagane, utan å få så mykje som ei sms-gratulasjon. Me er sjølvsagt veldig leie for det, og sender det varmaste helsingar til Bente Kristin, (onkel) Egil og Åsmund.

Dette siste bilete er eigentleg berre for å gje ein smakebit av strandløvene under MM + å opplyse om at kjekkasen heilt høgre vart eit år nærare 40 i går, men er framleis like flott som for 15 år sidan!

Happy Valentine!

Sender masse "hjerte-tankar" til alle våre vener og familie. Ha ein fin dag -og vær god mot alle du er glad i!

Fahrang og fastelaven

Det var tett i tett med fahrangar på gudstenesta søndag. 5 nordmenn (på tur med Ravinala reiser) og 6 finnar + 5 misjonærar og barn fyller ganske godt opp i eit lite rom. I ekte thai-stil vart det sjølvsagt tatt bilete. Så, her er me, alle saman!

Evangelisten vår var kjempeglad og hadde førebudd 2 runder med offer-posane sidan me hadde sånt fint besøk. "Takk Gud", sa alle i kyrkjelyden og gjorde sitt beste for at utlendingane skulle få ein fin søndag føremiddag.

Og ei minnerik oppleving vart det. Då me avslutta gudstenesta syngjande, i ein stor ring rundt heile rommet for å ta imot nattverden, var det flott!

Vel heime vart me invitert på kaffe til våre gode kollegar og naboar, Heidi og Jari. Dei serverte boller med krem. Ein finsk tradisjon søndag før fastetida, forklarte Heidi.

Ååå, er det fastelaven i dag?? sa me. Og det var det visst... Sånn går det når me ikkje eig ein einaste norsk kalender!

Inspirert av fotoseansen tidlegare på dagen tok me eit fint og oppstilt bilete av våre finske vener, Gabriel og dei før omtalte fastelavensbollene.

Etter endt arbeidsdag...

Gabriel var heile 4 veker gammal i går, så no var tida inne for å gjere ein innsats for kyrkje, land, folk osv...

I dag var det tidleg opp og avgarde på jobb. Faktisk så tidleg at Gabriel stilte sovande og i pyjamas på sin fyrste dag på kontoret. Men, etter bleie-og klesskift på misjonens pengesafe var han klar for dagen. Medan mamma'n vart oppdatert på siste nytt, vandra Gabriel frå arm til arm og kontor til kontor.

Til slutt vart det nok litt mykje, og ein sliten liten gut sovna på sofaen inne på NMS-kontoret, så utruleg spanande var ikkje rekneskapsavslutning og rapportar.

Vel heime var det to jenter som hadde sakna lillebror; Ingenting er som å kome heim etter ein slitsom arbeidsdag!

Thailand i raudt, kvitt og blått

Historia til Thailand fortel om store og sterke riker med mektige kongar som regjerte over store område. I motsetnad til alle sine næraste naboland (Burma, Laos, Kambodjsa og Malaysia) har Thailand aldri vore styrt av ei europeisk kolonimakt. Men, Thailand er ikkje ei land med ein einsarta kultur, landet er stort og famnar om mange ulike kulturar, språk og historie. Å byggja nasjon er ein prosess som aldri tek slutt, og i eit land med mange ulike folkegrupper er det ei ekstra utfordring. Flagget som vaier overalt her i Bangkok, kongehuset, flotte paradar på festdagar og nasjonalsangen som vert spela på radioen 2 gonger til dagen er viktige symbol i nasjonsbygginga.

I Thailand er nasjonalkjensla sterkt knytta opp mot buddhismen og monarkiet, og flagget symboliserer dei tre einingane nasjonen (raudt), buddhismen (kvitt) og monarkiet (blått). Nokon som veit kva fargane symboliserer i vårt norske flagg?? Iallefall, ein tøyser ikkje med flagg, verken her eller i Noreg. På St.Andrews har dei flaggheising kvar dag presis kl 08.00, og kven som får æra av å heise flagget går på rundgang blant elevane. Fredag var turen kome til Signe, og ho stilte stolt og spent på skulen ekstra tidleg (med pappa og kamera på slep). Sidan klassekameraten, som skulle vera med var for seint ute, fekk lillesøster Jenny steppa inn. Stas!

Kongen har erklært landesorg i 100 dagar her i Thailand, grunna dødsfallet av prinsesse Galyani, kongens eldre søster, og ein flaggar difor på halv stang. Det la ingen dempar på entusiasmen til våre to jenter.

Mammapermisjon

Kvardagen som trebarnsmamma i permisjon har starta! Arne byrja på jobb att denne veka og skulen har starta for jentene, så no er det berre mamma og Gabriel heime på formiddagen. Heilt aleine er me no ikkje, for i Fantasia er det fleire småtassar og heimeverande mødre.

No i veka inviterte me nokre av fruene (som på ingen måte er frustrerte!) til lunsj og jenteprat. Heile 6 ulike nasjonar er representert i gjengen de ser på bilete; Finland, Storbritania, Fillippinene, Sør-Afrika, Thailand og Noreg. Er me ikkje priviligerte som få bu i eit så fleirkulturelt miljø?!

Elles så har me hatt eit jamnt "sig" av folk på besøk desse to vekene etter fødsel. Me rekna etter og fann ut at over 60 besøk, med stort og smått, har vore innom for å helsa på Gabriel. Litt slitsomt til tider, men så veldig, veldig kjekt òg!

Men, då kyrkjelyden vår ringde sist veke og ville koma ein tur, vart det litt mykje... Me valde då heller å ta med vår vesle engel til kyrkja for å la alle helsa på der. Sidan me òg inviterte på lunsj, hadde dei sjølvsagt laga "fahrang-mat"; Spaghetti og kvitlauksbrød. + ein suppe-dessert som var god for nybakte mamma'er. Så omtenksomt!

Gabriel sov seg gjennom heile gudstenesta, ja, faktisk det meste av søndagen (faren måtte vekka han til slutt), og var tydelegvis litt sliten av å vera ute på tur.

På bilete ser de evangelisten vår som er borte for å helsa på, utan at Gabriel gidder opne augene av den grunn...

Heilt til slutt: Her er eit bilete av den yngste besøkande, Thanan på 7 veker (til høgre), saman med Gabriel. Ikkje verst at han kom reisande heilt frå den andre sida av Bangkok for ein snarvisitt. Me reknar med at Gabriel og Thanan kjem til å ha mykje løye saman i åra framover!

Helsing frå Gabriel

Hei! Eg er Gabriel!

I dag er eg ei heil veke gammal, men eg veit enno ikkje heilt kva eg syns om livet utanfor magen...

Det har vore besøk her kvar dag, berre for å helsa på meg. Alle seier at eg er veldig "låå", dvs nydeleg/kjekk, også vil dei halde meg litt. Storesystrene mine vil halde meg aller mest, dei skal susse og klemme heile tida òg. Pappa seier at eg er veldig snill som let dei styre i veg.

På fredag var eg hjå doktoren og vegde meg, tok sprøyte og høyretest. Alt vel, og vektkurva mi tok visst heilt av, for eg hadde lagt på meg masse, masse. Det er fordi eg drikk melk heile natta, sova er for pyser!

For at mamma skal laga god melk har ho fått masse rar medisin av dei som har vore på besøk. "Birds nest" heiter det, og er laga av fuglereir som fuglen har bygd med spyttet sitt. Innheld visstnok masse kalsium, jern og andre sunne ting. Yummi, yummi...

Forresten, eg har vorte ganske store, ikkje sant? Tøff bamse eg har fått, eller?? Har de andre ein bamse like stor som de sjølve, kanskje???

Jula er enno ikkje over...

Før jula er heilt over, og juetreet pakka vekk for i år, må me få med ein blogg om årets store fest i slummen: Lovsanghjemmet sin julefest, 19.desember.


Det har vore fast tradisjon i fleire år at Lovsangshjemmet markerer julehøgtida med ein fest for store og små i nærleiken. Ein ynskjer å gje alle eit innblikk i julebodskapen og la stolte foreldre/besteforeldre få sjå kva ungane deira har lært gjennom året på HoP.

På programmet var det dans-, fiolin-, og sangframføring, i tillegg til at dekorasjonane ute var laga av ungane, ein utandørs kunstutstilling m.a.o. Biskopen var òg med på festen og hadde andakt om kvifor me feirer jul.


Det var gjengen som arbeider på ettermiddagsaktivitetane som hadde ansvaret for arrangementet, og det vart mange planeggjingsmøte og innkjøpsrundar i dagane før.


I alt vart det kjøpt inn gåver til over 250 born i ulike aldrar, 60 sekkar ris måtte skaffast til utdeling til den eldre generasjon, eit passe stort lyd og lysanlegg skulle på plass, og eit variert underhaldningsprogram måtte øvast inn.


Til venstre ser de ei glad lita jente som hadde pynta seg til julefesten, og bilete til høgre syner ei glad bestemor som skal heim med julegåva si; Ein sekk med ris.
Ingen fest utan god mat! Damene i nabolaget tok utfordringa og stod med grytene frå tidleg morgon av. Litt av ein jobb når over 400 menneske skal mettast! Mogleg at kjøkkenet ikkje hadde vorte godkjent av mattilsynet heime i Noreg, men det var ingenting å seie på maten. Den var kjempegod og akkurat slik en festmat skal vera!

Her er matkøen:

Utpå kvelden rusla alle heim, med pakke under armen og godt nøgde med festen. Oppryddinga vart gjort i rekordfart, alle var med og tok sin del. Ingen sak å arrangera fest for så takksame festdeltakarar!


Eg er takksam for å få vera ein del av teamet på Lovsangshjemmet, og å få arbeida med flotte born og unge i Klong Tøy-slummen!


Arne.

Når 2 vert til tre, fire og til slutt 5!

Då vår etterlengta vesle baby endeleg bestemte seg for å forlata mamma sin mage, gjekk det forferdeleg fort! Ingen grunn til å vente lenger! Litt over kl 23 søndag 30.desember vart Gabriel fødd. Han var akkurat passe stor, 3610 gram, og veldig lik pappa`n sin.

Så, kjære vener: Me vil gjerne få presentera vårt nye familiemedlem, Gabriel:

Glimt frå julafta

Julafta kom og gjekk utan ny lillebror her i huset, men det la ingen dempar på julegleda!

Den store magen sette rett nok ein stoppar for skandinavisk julegudsteneste nede i byen, men elles holdt me programmet som planlagt.

Kl 18 julafta kveld var me samla 17 stk til ribbe, medisterpølse og kalkun i stova vår. Me hadde kombinert julefeiring med fam Hallen, og spisebord og sofa var flytta rundt mellom husa. Ei perfekt løysing, og deileg å ha plass til to familiar og 6 Hald-studentar, NMS-eittåring Robert og bror Martin. Ein kjempeflott gjeng som me skal få sjå meir til utover våren.

Pakkeopning hadde me fordelt utover heile dagen, slik fekk ungane god tid til kvar pakke, alt må jo prøvast med ein gong!

Juletregangen på kjøkkenet til fam Hallen var stas, mens Jenny var heller undrane til denne rare greia... Elles så måtte me forsikra jentene om at nissen kun hadde vore på snarvisitt om natta med julesokken, og var reist attende til Noreg med ein gong etterpå. Dei ville ikkje ha noko av ein nisse som luska rundt her i Fantasia.

Den store julegåve-slageren i år synte seg å vera kaffikrus. I alt vart det pakka opp 12 krus. Det fortente eit eige bilete av dei stolte eigarane.

Kl 01.00 tusla me heim, "høge" på sukker og julefest-glede.

GOD JUL

Mitt hjerte alltid vanker i Jesu fødte rom Der samles mine tanker som i sin hovedsum Der er min lengsel hjemme, der har min tro sin skatt Jeg kan deg aldri glemme velsignet julenatt

Thaksin vinner valet??????

Det er parlamentsval i Thailand i dag, og me prøver oss på same overskrifta som nettavisen.no. Siste måling syner nemleg at Pepole Power Party (PPP) får over 40% representasjon i parlamentet. PPP er partiet for gamle vener av Thaksin, og leiinga har offentleg gått ut med si støtte til den tidlegare statsministeren.

For oss som er gjester her i landet har det vore spanande å følgje utviklinga, frå dei fyrste ryktene om uro mellom Thaksin og det militære, via militærkupp i fjor haust, bombeprotestar i Bangkok, val av ny gunnlov og til no frie val til nytt parlament.

Valkampanjane har vore mange, overalt og til tide ganske så støyande. Det er ein jungel av valplakatar langs vegene, og alle kandidatane er like velkledde og "strøkne på håret". Som de ser har me strødd utover litt smakebitar av kampanjemateriellet, ingenting å seie på utsjånaden til landets leiarar iallefall! Ein liten detalj som er verd å merka seg er innslaget av gult (kongefargen, sidan kongen er fødd på ein måndag) eller rosa (nye kongefargen, sidan kongen kom ut frå sjukehuset ein tysdag). Ingen skal tvila på lojaliteten til konghuset!

Me venter spent på det endelege resultatet, og vonar at spådomane om valfusk vert gjort til skamme. Likeins bed me om ei fredeleg julehøgtid og nyårsfeiring, utan gateslagsmål eller bomber av noko slag.

Ein hyllest til 2 flotte jenter!

4 månadar går frykteleg fort, og torsdag kveld reiste Bente Kristin og Linn Åse heim til Undheim. Me har fått ha dei her på besøk sånn litt innimellom, men stort sett har dei vore vært opptenkne med jobben sin på Lovsangshjemmet.
I løpet av dei månadane dei har vore her, har dei:







- Sponsa oppussing av Lovsangshjemmet
- Kjøpt uteleiker til Day Nursery i kyrkja
- Kjøpt PC til ettermiddagsaktivitane og ein masse leikar til barnehagen + ein haug anna utstyr som var på ynskjelista til dei som jobber der
- Introdusert motoriske øvingar for borna
- Lært ungdomane "Line-dance"
- Vore (litt) ivrige kyrkjegjengarar i Immanuel
- Sørga for at ungdommane på sports-aktivitetane fekk jærske fotballdrakter
- Redda julefesten i slummen ved å skaffe masse penger på rekordtid
- Fått masse gode thai-vener
- Lært dei viktigaste thai-glosene
- Ete masse steikt ris (khaw pad gai)
- Halde liv i AdMakers og The Big Boy Band
og ikkje minst:
-Vore til stor glede for alle oss som har fått vera i lag med dei.

Kjære Bente Kristin og Linn Åse: 1000 takk for alt de har gitt av smil, latter og engasjement! De er sakna av mange!

I denne søte før-julstid

Ingen er meir norske enn nordmenn i utlandet, seies det. Mogleg det. Me prøver iallefall å halda på norske førjuls-tradisjonar, og så vert dei litt justert etter varme og kulturelle forhold elles.

Her eit lite knippe av hendingar frå desember:

Juleavslutning på St Andrews. Jenny var stjerne og sang "twinkle, twinkle, little star", medan Signe og klassen hennar hadde varme vinterklede på og var "Frosty, the snowman".

Kakemennene, bakt etter Besto si oppskrift, er på plass i kakeboksen!

4 nydelege små Lucia'ar spreidde lys, glede og småkaker blant naboane i Fantasia. Stor suksess!

Før-julskino på Lovsangshjemmet. 35 ungar var samla til kino, brus og popcorn.


Innimellom her skulle me hatt supre bilete av storbesøket vårt med julegrøt og "3 nøtter til Askepott"-filmen. Det har me altså ikkje... Men gå gjerne inn på kollega Anne sin blogg (trykk her!) så får de info og bilete frå denne kvelden òg.

3.søndag i advent vart feira med våre gode vener Bo og Viroj. Bente Krisin og Linn Åse låner for tida "top-suiten" vår, og gjorde ein god innsats på "Tenn Lys"-sangen.

Og sist, men ikkje minst, julebord med LMT-kollegane våre. Me var samla misjonærar frå 5 land til ein betre middag og "mykje lått og løye".

Nedtelling

Som sikkert dei fleste veit har me nedtelling til to store hendingar for familien no i desember: Julefeiring og ein heilt ny lillebror.

Julafta er jo ganske sikkert den 24., og med Jens Petrus si adventsappelsin har me full kontroll over kor mange dagar det er att til jul. Når lillebror vil ut av magen er litt meir usikkert: Vil han venta til romjula (slik mamma'n trur), eller vil han vera med på julefeiringa?

Legen er ganske sikker på det siste, og meiner babyen kan koma kva dag som helst no. "Har du fått mobilnr mitt?", spurde ho på onsdag, "ring meg så fort du kjenner noko, slik at eg kan vera på plass når du kjem til sjukehuset." Fridag eller ikkje, travle karriere-legar i Bangkok må stilla på jobb!

Jenny vil at babyen skal "av magen snart", slik at ho får plass på fanget til mamma, men elles er det nok kanskje Phi Noy (hushjelpa vår) som er mest stressa no i desse dagar. Torsdag var ho i gang med lufting av madrass og bilstol og vaska på babytepper for harde livet! Så, no er seng og klede klart, sjukehusbagen er pakka og storesøstergåve skal handlast i dag.

Velkomen til oss, når du vil, lille baby!

Julegåvetips

(lille)bror Odd Olav og svigerinne Laila har gitt oss gris til jul! Dvs, grisungen skal få bu heime i Kina og bæsje så mykje den berre orker, og dermed lage straum i landsbyen sin.

Klimagris er eit "hot" julegåvetips for den som har alt, berre klikk deg inn på NMS og kjøp grisungar!

God julehandel!

Santa Claus is coming to town...

Ein ekte finsk nisse skal visstnok vera på plass i eit av dei finare kjøpesentra her i Bangkok. Mange har tilrådd at me tek turen innom, og sidan dagen i dag er fridag (Thailands nasjonaldag), tenkte me at eit nissebesøk kunne passa.

Signe har gleidd seg i mange dagar, og i dag grytidleg fann ho fram yndlingskjolen sin og var beinklar for å treffa nissen.

Signe: Eg ska ble nisse når eg bler stor

Mamma: Å, skal du det?

Signe: Ja. Også skal eg gifte meg med ein nissegutt.

Mamma: Javel, det bler sikkert bra.

Signe: Koffår e ikke du någe, mamma?

Mamma: Hmm?? E någe? Eg e jo mamma!

Signe: Nei, koffår kan ikkje du òg ver någe, sånn så meg; Eg ska ver nisse når eg bler store!

Mamma: Eg syns det er ganske møje å ver mamma...

Signe: Nei, ikkje bare mamma. Koffår kan du ikkje ver någe?

Mamma: Nei... Då e eg visst ikkje någe aent...

Ja, ja, sånn gjekk det. Utkonkurrert av nissen! Og det før eg hadde vakna skikkeleg...

Advent

Adventstida har gjort sitt inntog i Fantasia. Me har hatt ei skikkeleg før-julshelg, og deler den meir enn gjerne med våre blogglesarar:

Besto har sydd adventskalender til begge jentene. Er dei ikkje kjempefine?! Stor glede laurdagsmorgon!


Søndag var det adventsgudsteneste og julemesse på Svenska Kyrkan i Bangkok. Me fekk kjøpt pepperkaker, ostepop og lakris. Ungane laga julepynt og åt skillingsboller (svenskane sitt svar på våre sjømannskirke-vafler). Julestemninga sig innover oss...

Adventslyset er tent. Jenny syntes det var veldig fint...

Svidd sjokoladekake vart servert til gjestene; Fam Hallen, Phi Oyi, Beng, Robert og Cathrine. Brent mat gjev god sangstemme, ikkje sant? "Tenn Lys"-sangen vart iallefall veldig fin med så mange rundt bordet.



Robert (NMS-eittåring), Jenny og Signe sit klare for Tøfflus. Ingen desember utan! Robert sa høgt og tydeleg at han var vaksen og kunne sitje nede på kjøkkenet og drikke kaffi saman med oss andre. Men så fort kjenningsmelodien på Skomakergata kom sivande ned, var han relativt raskt opp trappene, og fann plass saman med andre Tøfflus-fans.

At Cathrine skulle koma på besøk har me venta lenge på! Sjølv om det var litt rart at berre Cathrine kom, og ikkje Sigve, Bettina, Talette og Caja ("koffor, mamma?"), var det stor stas og gledeleg gjensyn. Jenny hoppa stort sett opp og ned heile tida (og snakka som ein foss), og visste visst ikkje heilt kva anna ho kunne gjera...

Me satsar på å sjå heile familien i Thailand til sommaren!!!