Varmt...

Det er varmt i Thailand for tida. Veldig varmt... I Bangkok, med veldig høy luftfuktighet, er varmen plagsom. Det er varmt og klamt i 35 - 40 grader, og alt vi vil er en tur til kysten for nedkjøling.

Arbeidsdagen på Lovsangshjemmet, i slummen under motorvegen, er ikke mindre svett. På datarommet, med 7 PC'er og ofte 2 unger på hver maskin, føles det som en badstu, varmt og trykkende. Svetten renner av å bare stå stille, og det er godt å komme ut og kjøle seg ned i "vanleg" utetemperatur.


Men, det ser ikke ut til at det plager andre enn meg, ungene står i kø for å få komme inn på PC rommet, og er lei seg når deres halve time er ferdig. De bare ler og smiler av den store mannen som klager og svetter.

Ønsker alle en varm sommer i møte!

På tur til tante i byen

Denne siste veka har me fått kjekt besøk av 2 flotte jenter: Nuy og Cream. Dei er niesene til Phi Noy, og no i sommarferien vill dei kome ein tur til byen. Bestemor på landsbygda var ikkje så ivrig på å sende dei avgarde, og ringde allereie dagen etter ankomst Bangkok få å få dei heim att.... Men, jentene koser seg i storbyen, og for Signe og Jenny er det kjempekjekt med nye venninner.

I går hadde me lova ein ettermiddag i bassenget. Dei var utstyrt med nye badedraktar frå tante Noy, og veldig badeklare då eg kom heim frå jobb. Etterkvart kom det fleire ungar, og det vart mykje latter og hyling. Då Arne kom for å henta oss, etter endt arbeidsdag, fekk han høyra att dei nett var byrja bada. Eg tenkte 2 1/2 time var ei bra stund, men tydelegvis er tidsomgrepet svært relativt, alt etter om du sit på land eller leiker i bassenger.

I løpet av dagane her har dei vorte introdusert for brødskiver og makaroni, begge deler var berre så vidt etande. .. Men rekesuppe så sterk at eg knapt greier svelge, den går ned på høgkant!! Matvaner er ein spanande ting!

Me satsar på at me får ha dei nokre dagar til enno. Skulen opnar ikkje att før slutten av mai, men det avheng vel òg av kva bestemor oppe i Nord-aust vil ...

Nytt år i nytt hus!

Me har hatt ferie! Den tredje ny-års feiringa i 2007 er no over... Thai-nyttår, eller Songkran, er den store folkefesten i Thailand, og vert feira 3 heile dagar til endes, 13. - 15-april.

I desse dagane er Bangkok så godt som folketom, "alle" reiser til heimbygda si eller på tur til stranda. Varmeperioden har starta for alvor, og gradestokken kryp oppover mot 40 grader. Det er varmt, både i sola og skuggen no!

Me har i nokre veker no hatt Bestemor og Bestefar frå Forsand på vitjing. Besteforeldre er ein fin ting, og både store og små har hatt gode dagar. Det er tredje Thailands-turen deira, så dei er no for veteranar å rekna. Det er ingen grunn til å tru at dette vert siste turen, for no har dei eit splitter nytt hus (med svømmebasseng i hagen!) i Hua Hin.

Vår vesle familie har gjort eit innskòt i investeringa, og kan såleis òg smykka oss med tittelen huseigar i Thailand! Huset er akkurat passe stort, og med akkurat passe hage utanfor. Ein oase for oss byfolk, når eksos, varme og lyd vert for intens i Bangkok. Fam Hallen og Anne + Be har allereie vore innom på hus-sjekk. Ungane sørga for at bassenget vart grundig innvia.

Me har storkost oss desse dagane, og gler oss allereie til mange late helger i Hua Hin framover. I romjula kjem Bestemor og Bestefar att, og då vert det ny nyårsfeiring i vårt nye hus!

How are you? What is your name?

Dette året feirer me påske med engelskleir i kyrkja vår...

Langfredag og påskeafta er alle ungane i nabolaget invitert til Santithum kyrkje for engelsk undervisning. Misjonærane er kalt mannsterke (kvinnesterke) inn for hjelp. Finland og Noreg er jo så godt som engelsktalande...

Morgonen startar med musikk og rytme-leik, og me "marsjerer i Guds lys" så det er ei fryd å sjå!

Mi klasse er 7 born i alderen 3 til 8 år, så absolutt ein utfordring å finna eit nivå som passar!

I går var det dyr, fargar og kroppen som var tema.

Mykje leik og moro vart det, og både eg og assistenten min, Signe, var ganske utslitte i taxien heimover. Trøytte, men likevel fornøgd med dagens innsats.

For påskeafta er det planlagt boka om "Lille Larven Aldrimett". Sommarfugl er jo eit gammalt kristent symbol på oppstandelsen, så i dag vert det larver, sommarfuglar og påskebodskapen blanda saman i flotte fargar!

Ei verdifull oppgåve

Om nokon gjeren vil ha ei tilsynsteneste, er det ei verdifull oppgåve han ynskjer seg. 1.Tim3,1

Dette var tema for årets General Forsamling i ELCT no sist veke. I tre heile dagar var 39 delegatar, og litt fleire observatørar, samla til møte. Me misjonærar er velkomne til å delta, men sjølvsagt utan røysterett, og som de ser på bilete sat me fint på bakerste benk.

I år var det val av ny biskop og nytt kyrkjestyre, og mykje spenning var knytta til valet. I det heile var mykje "action" under møtedagane, så stolane var slett ikkje så harde som frykta... Biskop Visanukorn vart gjenvald til biskop for ein ny 4-års periode, og vår kyrkjelyd Santitham, fekk inn eit nytt medlem i kyrkjestyret. Eit nytt kyrkjestyre (desverre heilt utan kvinner...) er no klare til å ta fatt. Dei treng mykje forbøn, for oppgåvene framover er mange og krevjande.

Under gudstenesta på søndag oppsummerte biskopen det slik: "Aldri har me vel hatt ei mindre stille (dvs veldig mange greip ordet både titt og ofte!) og ei meir tårevåt generalforsamling i Den Evangelisk Lutherske Kyrkja i Thailand".